Vens: Netanyahu səhv edib
İslamazeri.com xəbər verir ki, ABŞ vitse-prezidenti J.D. Vens CBS News-a verdiyi müsahibədə İsrail Baş naziri Binyamin Netanyahu ilə fikir ayrılıqlarından danışıb.
Vens Netanyahunun "bəzi sahələrdə, o cümlədən regionda apardığı müharibəyə yanaşmasında və İrana qarşı mövqeyində, eləcə də Vaşinqtonla münasibətlərdəki davranışında səhvlərə yol verdiyini etiraf edib.
İsrail ilə münasibətləri qiymətləndirən Vens bildirib ki, "Bəzən maraqlarımız tamamilə üst-üstə düşür, bəzən isə toqquşur".
Fikir ayrılığı hallarına toxunan Vens deyib: "Bu o deməkdir ki, bəzən biz eyni fikirdəyik, bəzən isə yox".
Vens İsrail xalqını bir çox cəhətdən "böyük tərəfdaşlar" kimi təsvir edərkən vurğulayıb ki, fikir ayrılıqları yarandıqda Amerika administrasiyası öz maraqlarına diqqət yetirməlidir.
Vens bildirib ki, "Fərqlər yarandıqda, Amerika üçün ən yaxşı olana diqqət yetirməli və Amerika xalqının yanında olmalıyıq".
