Argentinanın paytaxtı Buenos-Ayresdə “Fələstin Xalqı ilə Beynəlxalq Həmrəylik Günü” çərçivəsində dəstək nümayişi keçirilib.
İslamazeri.com xəbər verir ki, Fələstinlə həmrəyliyə çağıran izdiham Buenos-Ayresin mərkəzindəki İsrail səfirliyi yaxınlığında toplaşıb.
Nümayişçilər İsrail əleyhinə şüarlar səsləndirərək, Fələstin xalqı ilə həmrəy olduqlarını vurğulayıblar.
Nümayişdə İsrail əsgərləri tərəfindən öldürülən fələstinlilərin xatirəsi anılıb və İsrail ilə Fələstin arasında su paylaşımında ədalətsizliyə diqqət çəkilib.
Argentina hökumətinin İsrail şirkətləri ilə işləməkdən imtina etməsinə çağırılan nümayişdə “İsrail sionist, faşist dövlət”, Fələstin xalqına qarşı hücumları isə “soyqırım” olaraq qiymətləndirilib.
Qeyd edək ki, 1978-ci ildən Birləşmiş Millətlər Təşkilatının Baş Assambleyasının qərarı ilə 29 noyabr Fələstin Xalqı ilə Beynəlxalq Həmrəylik Günü kimi qeyd olunur.
