Sudanda ordu ilə xüsusi təyinatlı qüvvələr arasında aprelin 15-dən bəri davam edən qarşıdurmalar nəticəsində həyatını itirənlərin sayı 604 nəfərə yüksəlib.
İslamazeri.com Türkiyə mediasına istinadən xəbər verir ki, Sudanda ordu ilə xüsusi təyinatlı qüvvələr arasında aprelin 15-dən bəri davam edən qarşıdurmalar nəticəsində həyatını itirənlərin sayı 604 nəfərə yüksəlib.
Birləşmiş Millətlər Təşkilatının (BMT) Cenevrə ofisinin İnformasiya Bölməsinin Mətbuat və Xarici Əlaqələr Departamentinin rəhbəri Rolando Qomezin moderatorluğu ilə həftəlik mətbuat konfransı keçirilib.
Ümumdünya Səhiyyə Təşkilatının (ÜST) sözçüsü Tarik Casareviç Sudanda davam edən qarşıdurmada həyatını itirənlərin sayının 604-ə, yaralıların sayının isə 5127-yə yüksəldiyini bildirib.
Beynəlxalq Miqrasiya Təşkilatının sözçüsü Paul Dillon bildirib ki, Sudandakı qarşıdurma zamanı 700 min insan öz yurd-yuvalarından didərgin düşüb.
