Trampdan Netanyahuya: Mən olmasaydım indi sən həbsxanada olardın
İslamazeri.comxəbər verir ki, ABŞ prezidenti Donald Tramp, İranla müharibəyə son qoymaq üçün danışıqların davam etdiyi bir vaxtda Livandakı döyüşlərlə bağlı telefon danışığı zamanı İsrailin Baş naziri Binyamin Netanyahunu "dəli" adlandırdığını təsdiqləyib.
Çərşənbə günü dərc olunmuş müsahibədə Trampdan Axios-un hesabatına istinadən Netanyahuya qarşı sərt ifadə işlədib-işlətmədiyi soruşulub. Tramp cavabında "Bəli, işlətdim" deyib.
O, əlavə edib: "Əsəbiləşdiyimi deməzdim. Amma onun Livanla daim münaqişədə olmasından bir az narahat idim".
Lakin Tramp Netanyahu ilə münasibətlərinin yaxşı olduğunu bildirib.
Axios-un istinad etdiyi adı açıqlanmayan ABŞ rəsmisinə görə, Tramp bazar ertəsi günü keçirilən telefon danışığı zamanı Netanyahuya qarşı sərt sözlər işlədib.
İddialara görə, Tramp Netanyahuya "Sən dəlisən. Mən olmasaydım, həbsxanada olardın. Mən səni xilas edirəm. İndi hamı səndən nifrət edir. Buna görə hamı İsraildən nifrət edir" deyib.
Tramp müsahibəsində bu söhbətə toxunaraq dedi: "Bir vaxtlar dedim ki, 'Bibi, biz buna son qoymalıyıq. Biz buna son qoymalıyıq'".
Netanyahu Axios hesabatı barədə ətraflı məlumat verməkdən imtina edib, lakin Trampla münasibətlərinin dəyişməz qaldığını söyləyib.
Netanyahu bildirib ki, "Bizim ortaq məqsədlərimiz var. Ən yaxşı ailələrdə olduğu kimi, bəzən taktiki fikir ayrılıqları ola bilər".
