Suriya Xarici İşlər Nazirliyi ABŞ-ı Suriyanın Deyr əz-Zor əyalətinin müxtəlif bölgələrində can və mal itkisinə səbəb olan hücumlar həyata keçirməkdə ittiham edib.
İslamazeri.com xarici mediaya istinadən xəbər verir ki, Suriya Xarici İşlər Nazirliyinin dünən verdiyi açıqlamada, ABŞ-ın təşəbbüslərinin Suriyanın suverenliyini, birliyini və ərazi bütövlüyünü ciddi şəkildə pozduğuna diqqət çəkilib.
Bəyanatda bildirilib ki, ABŞ-ın cəhdləri ABŞ-ın “qeyri-qanuni” hərbi birləşmələri tərəfindən Suriyadan neft oğurlanmasının davam etdirilməsini gizlətmək, habelə ekstremist təşkilatların regionlarda insanlara qarşı törətdiyi cinayətləri genişləndirmək məqsədi daşıyır.
Bəyanatda ABŞ-ın Suriyadakı hərbi mövcudluğunun dayandırılmasının zəruriliyi təkrarlanaraq, Vaşinqtondan Suriyadakı separatçı və terrorçu qüvvələrə dəstəyi dayandırmağı tələb edib.
Suriyanın bütün torpaqları üzərində suverenliyini bərpa edəcəyinə diqqət çəkilən bəyanatda, həmçinin ABŞ-ın düşmənçilik hərəkətləri pislənərək, digər ölkələri Suriyanın ərazi bütövlüyünün qorunmasında onunla həmrəy olmağa çağırıb.
