Somalidə Əş-Şəbab terror təşkilatının Prezident İqamətgahı yaxınlığında həyata keçirdiyi hücum nəticəsində azı 5 nəfərin həyatını itirdiyi, 2 nəfərin də yaralandığı bildirilib.
İslamazeri.com Türkiyə mediasına istinadən xəbər verir ki, Somalidə Əş-Şəbab terror təşkilatının Prezident İqamətgahı yaxınlığında həyata keçirdiyi hücum nəticəsində, azı 5 nəfərin həyatını itirdiyi, 2 nəfərin də yaralandığı bildirilib.
Somali təhlükəsizlik xidməti əməkdaşı Osman Muhamməd hücum zamanı Prezident İqamətgahının hədəf alındığını bildirib.
Hücum zamanı milli teatr binasına ziyan dəydiyi vurğulanıb. Həyatını itirənlərdən 2-nin tələbə olduğu qeyd olunub.
Hücuma görə məsuliyyəti üzərinə götürən Əş-Şəbab təşkilatı Prezident İqamətgahını və İnformasiya Nazirliyini hədəf aldıqlarını açıqlayıb.
Somali ordusu təxminən 5 aya yaxındır ki, əş-Şəbaba qarşı apardığı əməliyyatlarda onlarla şəhər, qəsəbə və kəndə nəzarəti bərpa edib.
Havadan dəstək verilən bəzi əməliyyatlardan sonra təşkilat paytaxt Moqadişo başda olmaqla bir çox şəhərdə qanlı hücumlar həyata keçirib.
