Rəsmi Səna İsrailin Somalilənd regionundakı istənilən mövcudluğu ilə bağlı vəziyyəti nəzarətdə saxlamağa davam edir.
İslamazeri.com xəbər verir ki, bu barədə “Ənsarullah” hərəkatının (Yəmən, husilər) lideri Seyid Əbdül-Məlik əl-Husi bəyan edib.
O, Somalilənddəki vəziyyəti “bizim üçün olduqca mühüm vəziyyət kimi” qiymətləndirib, çünki orada hadisələr Yəmən və region xalqları üçün təhdid mənbəyidir.
“Biz əsla bu problem barədə susa bilmərik”, – deyə o qeyd edib.
Əl-Husi bildirib ki, İsrail Ədən körfəzi və Bab-əl-Məndəb boğazının yaxınlığında yerləşən və strateji mövqeyə sahib olan Somaliləndi öz məqsədləri üçün istifadə etməyə çalışır. O xəbərdarlıq edib ki, İsrailin əsas su yollarına nəzarət cəhdi bütün regionu təhdid edir və “bu plan ölkənin parçalanması və zəifləməsinə yönəlib”.
O, ayıq-sayıq olmağa çağırıb və ayıq-sayıqlığın gələcək mübarizəyə hazırlığın bir hissəsi olduğunu deyib.
“Düşmən olan İsrail və ABŞ ilə, istər birbaşa, istərsə də dolayısı ilə, münaqişə qaçılmazdır”, – deyə Yəmən lideri vurğulayıb.
Xatırladaq ki, Somalidən ayrılaraq “müstəqilliyini” elan etmiş qondarma Somalilənd rejimi dünyada yalnız İsrail tərəfindən tanınıb. İsrailin orada hərbi bazalar qura bilər.
