İsrail Baş naziri Netanyahu Qəzzanın müharibədən sonrakı gələcəyi barədə danışıb. Netanyahu bildirib ki, "Türkiyə və Qətər əsgərləri bölgəyə yerləşdirilməyəcək".
İslamazeri.com xəbər verir ki, Netanyahu Qəzza zolağındakı son İsrail məhbusu Ran Qvilinin cəsədinin dünən təhvil verilməsindən sonra İsrail Baş nazirinin Əsirlər və İtkin Düşmüş Şəxslər üzrə Koordinatoru Qal Hirş ilə birgə mətbuat konfransı keçirib.
Qəzza zolağından həm diri, həm də ölü bütün İsrail məhbuslarının qaytarılmasının başa çatdığını xatırladan Netanyahu, İsrailin İordaniya sərhədindən Aralıq dənizinə qədər əraziyə nəzarət edəcəyini iddia edib.
Netanyahu iddia edib ki, "Türkiyə və Qətər əsgərləri bölgəyə yerləşdirilməyəcək və bu mərhələdə onlar HƏMAS-ın tərksilah edilməsinə diqqət yetirirlər".
ABŞ Prezidenti Donald Trampın planına baxmayaraq, Netanyahu HƏMAS-ın tərksilah edilməsi və Qəzzanın silahsızlaşdırılması olmadan yenidənqurma işlərinin başlamasına icazə verməyəcəklərini iddia edərək, buna "çətin və ya asan yolla" nail olacaqlarını bildirib.
Sionist İsrail Baş naziri qismən embarqoya görə keçmiş ABŞ prezidenti Co Bayden və onun administrasiyasını günahlandıraraq, müharibənin bir mərhələsində sursatlarının tükəndiyini və əsgərlərinin bu çatışmazlıq səbəbindən öldüyünü iddia edib.
Səudiyyə Ərəbistanı ilə münasibətlərin normallaşması ilə bağlı suala cavab olaraq Netanyahu Ər-Riyadın Qətər və Türkiyə ilə yaxınlaşmasını izlədiklərini və "Səudiyyə Ərəbistanı ilə razılaşmanı, Səudiyyə Ərəbistanının güclü İsrail istəməsi şərti ilə" istədiklərini bildirib.
