Musəvidən Heqsetə: Məzar daşlarınızı hazırlamısınızmı?
İslamazeri.com xəbər verir ki, İslam İnqilabı Keşikçiləri Korpusunun Aerokosmik Qüvvələri komandanının müavini general Məcid Musəvi Səudiyyə Ərəbistanındakı əl-Xərc bazasında yerləşən ABŞ Hərbi Hava Qüvvələri donanmasının görüntüsünü yayımlayıb.
Çox sayda ABŞ hərbi təyyarəsinin yerləşdiyi xarabalığa çevrilmiş obyekti göstərən görüntü, Musəvini ABŞ Hərbi Katibi Pit Heqsetə müraciət edərək "Məzar daşlarınızı hazırlamısınızmı?" sualını verib.
Musəvinin bu sözləri ABŞ-ın İrandakı zənginləşdirilmiş uran ehtiyatlarını ələ keçirmək üçün mümkün yerüstü əməliyyatı nəzərdən keçirdiyi barədə xəbərlərdən sonra səslənib.
İslam İnqilabı Keşikçiləri Korpusunun (İİKK) Aerokosmik Qüvvələrinin komandanı Məcid Musəvi sosial media hesabı X vasitəsilə verdiyi açıqlamada İran raketlərinin əməliyyat effektivliyi ilə bağlı yenilənmiş məlumatları paylaşıb.
Musəvi texniki məlumatlardan kənara çıxaraq İranın raket imkanlarının miqyasını vurğulayıb.
O, təcavüzkarlara qarşı "cəza prosesi"nin davam etdiyini vurğulayaraq, "Səma qapıları İranın nəhəng raketlərinə açılıb" deyib.
Briqada generalı Musəvi verdiyi açıqlamada İranın işğal olunmuş cənub əraziləri üzərində raket nəzarətini rəsmi olaraq elan etdiyini açıqlayıb.
O, işğal olunmuş cənub əraziləri üzərindəki səmanın bu gecə saatlarla işıqlı qalacağını təsdiqləyib və gələcək dalğalarda istifadə ediləcək yeni taktikaların və buraxılış sistemlərinin İsrail və Amerika liderlərini dəhşətə gətirəcəyini əlavə edib.
Müharibənin komandanlıq qərargahı olan Xatəmul-Ənbiya Qərargahının sözçüsü, effektiv əməliyyatların yeni mərhələsinin bir hissəsi olaraq döyüş meydanına daha müasir və inkişaf etmiş sistemlərin daxil olduğunu elan edib və döyüş meydanının əvvəlkindən daha dar və düşmən üçün daha çətin olacağını vurğulayıb.
