"Təcavüzkarlar İranda məqsədlərinə çatmadı".
Belarus Prezidenti Aleksandr Lukaşenko İrana qarşı müharibənin məqsədlərinə çatılmadığını və onun davam etməsinin ABŞ üçün zərərli olacağını bildirib.
İslamazeri.com xəbər verir ki, TASS agentliyinin məlumatına görə, ABŞ və İsrailin İrana qarşı hərbi hücumları ilə bağlı verdiyi açıqlamada o, təcavüzkarların məqsədlərinə çatmadığını bildirib.
Lukaşenko ABŞ və İsrailin İrana hücumlarının İran xalqı arasında birliyin artmasına səbəb olduğunu bildirib.
Minabdakı məktəbə hücumu İsrailin Qəzzadakı cinayətləri ilə müqayisə edən Belarus Prezidenti deyib: "Qəzzada da uşaqlar bombalanıb".
Lukaşenko Donald Trampın İranı məhv etmək barədə açıqlamalarını müharibə bataqlığından çıxmaq cəhdi kimi şərh edib və əlavə edib ki, müharibənin davam etməsi Tramp üçün vəziyyəti daha da pisləşdirəcək.
