İnqilab Keşikçiləri Ordusu komandanının müavini, briqada generalı Əli Fədavi, hərbi sahədə heç kimin bilmədiyi texnologiyalara sahib olduqlarını ifadə edərək, "İranın gizli silahları mümkün müharibə zamanı işə düşəcək", - deyə bildirib.
İslamazeri.com Mehr-ə istinadən xəbər verir ki, İnqilab Keşikçiləri Ordusu komandanının müavini briqada generalı Əli Fədavi Tehranda keçirilən tədbirdəki çıxışında hərbi sahədə heç kimin bilmədiyi texnologiyalara sahib olduqlarını bildirib:
"Hərbi sahədə heç kimin bilmədiyi texnologiyalarımız var və biz onlardan istifadə etdikdə amerikalılar fərqinə varacaqlar".
Xatırladaq ki, İran İnqilab Keşikçiləri Ordusu Hava-Kosmik Qüvvələrinin komandanı briqada generalı Əmir Əli Hacızadə də bu yaxınlarda verdiyi açıqlamada İnqilab Mühafizəçiləri tərəfindən hazırlanmış hipersəs ballistik raketin tezliklə istifadəyə veriləcəyini bildirmişdi.
