İran İtaliya rəsmilərinin İranla bağlı açıqlamalarına cavab olaraq ölkənin Tehrandakı səfirini Xarici İşlər Nazirliyinə çağırdığını açıqlayıb.
İslamazeri.com xəbər verir ki, İran Xarici İşlər Nazirliyinin internet saytında verilən bəyanatda İtaliyanın bəzi rəsmilərinin İranın daxili işləri ilə bağlı açıqlamalarına görə İtaliyanın Tehrandakı səfiri Cüzeppe Perronenin Xarici İşlər Nazirliyinə çağırıldığı bildirilib.
Məlumata görə, İran Xarici İşlər Nazirliyində keçirilən görüşdə İtaliya rəsmilərinin İranın daxili işlərinə müdaxilə xarakterli hərəkətləri bu ölkənin səfirinə çatdırılıb. İkitərəfli yanaşmaların qəbuledilməz olduğu bildirilib.
İrana qarşı tətbiq edilən sanksiyaların qeyri-qanuni olduğu vurğulanan bəyanatda bu yolla İran xalqının hüquqlarının tapdalandığı və mənafelərinin ciddi şəkildə zədələndiyi bildirilib.
İtaliyanın Tehrandakı səfiri Cüzeppe Perronenin vəziyyəti ən qısa zamanda hökumətinə çatdıracağını bildirdiyi vurğulanıb.
