İslam Əməkdaşlıq Təşkilatının (İƏT) baş katibi Hüseyn İbrahim Taha Şahçeraq türbəsində törədilən terror aktını pisləyib.
İslamazeri.com xəbər verir ki, İslam Əməkdaşlıq Təşkilatının (İƏT) baş katibi Hüseyn İbrahim Taha İranın Şiraz şəhərindəki Şahçeraq ziyarətgahında törədilən və çoxlu sayda İran vətəndaşının ölümü və yaralanması ilə nəticələnən terror aktını pisləyib.
Hüseyn İbrahim Taha hücumda həlak olanların ailələrinə və İran hökumətinə başsağlığı verib, yaralananlara şəfa diləyib.
Terror aktlarını qətiyyətlə rədd edən İbrahim Taha bu cür çirkin əməllərə qarşı olduğunu vurğulayıb.
Bundan əlavə, Rusiya Xarici İşlər Nazirliyi bəyanat yayaraq Moskvanın Şahçeraq türbəsində baş verən terror aktını pislədiyini bəyan edib.
Bəyanatda qeyd olunub ki, Rusiya iranlı tərəfdaşları ilə antiterror əməkdaşlığını artıracaq.
