İran İsailə xəbərdarlıq etdi: Vaxtınız tükənir!
İslamazeri.com xəbər verir ki, İran Parlamentinin sədri Məhəmməd Baqir Qalibaf atəşkəsin bir hissəsi olaraq ABŞ-a təqdim edilən 10 bəndlik təklifi xatırladaraq, İsraili Livana hücumlarını davam etdirməmək barədə xəbərdar etdi.
Sosial media paylaşımında Qalibaf "Vaxt tükənir" ifadəsini işlədib və Livan və İranın müttəfiqlərinin atəşkəsin ayrılmaz hissəsi olduğunu və bunun ABŞ-a təqdim edilən 10 bəndlik təklifin ilk bəndi olduğunu vurğulayıb.
O, Livanın atəşkəsə daxil edilməsinin ABŞ və İran arasında vasitəçilik edən Pakistanın Baş naziri Şahbaz Şərif tərəfindən açıq şəkildə qəbul edildiyini və bunun danılmaz olduğunu qeyd edib.
Qalibaf atəşkəsin pozulmasının nəticələrinin olacağını və sərt cavablarla qarşılanacağını bildirib və döyüşlərə dərhal son qoyulmasına çağırıb.
