İran: Hörmüz boğazının tarixi iki dövrə bölünəcək, hücumdan əvvəl və sonra!
İslamazeri.com xəbər verir ki, İran Parlamentinin Milli Təhlükəsizlik və Xarici Siyasət Komissiyasının sözçüsü İbrahim Rzayi bildirib ki, komissiya hazırda Hörmüz boğazı və körfəzin təhlükəsizliyinin qorunmasına yönəlmiş strateji qanun layihəsini müzakirə edir.
Rzayi vurğulayıb ki, İran boğazda naviqasiya fəaliyyətlərini öz qanunlarına uyğun olaraq, Omanla əməkdaşlıq və koordinasiya çərçivəsində idarə edəcək.
O bildirib ki, "Hörmüz boğazının tarixi iki dövrə bölünəcək: İrana hücumdan əvvəl və sonra" və heç bir düşmən gəmisinin boğazdan keçməsinə icazə verilməyəcək.
Qeyd edilib ki, İrana qarşı davam edən İsrail-ABŞ hücumları Tehran administrasiyasını Hörmüz boğazını düşmənləri və hücumu dəstəkləyənlər üçün bağlamağa vadar edib.
Digər tərəfdən, lazımi koordinasiya qurulduqdan sonra boğazın hücumda iştirak etməyən ölkələr üçün keçid üçün açıq qaldığı bildirilib.
