Bildirilib ki, İran Fars körfəzində “qaçaq yanacaq” daşıyan gəmini ələ keçirib və orada olan 12 nəfəri saxlayıb.
İslamazeri.com xəbər verir ki, Hörmüzqan vilayətinin Ədliyyə Başçısı Müctəba Qəhrəmani Fars körfəzindəki Kəşm adası yaxınlığında qaçaq yanacaqla yükləndiyi aşkarlanan gəmidə əməliyyat keçirildiyini bildirib.
İnqilab Keşikçiləri Ordusunun təşkil etdiyi əməliyyat nəticəsində, gəmidə olan 12 nəfərin nəzarətə alındığını qeyd edən Qəhrəmani, gəmidə 330 min litr qanunsuz yanacağın ələ keçirildiyini bildirib.
Qəhrəmani gəminin kimə məxsus olduğu və ekipajın milliyyəti barədə məlumat verməyib.
