İnyesta "Barselona"ya qayıtmaq istədiyini AÇIQLADI

İnyesta
Yayınlanma tarixi: 12.11.2021 17:46:15

"Bir gün "Barselona"ya qayıtmaq istərdim, amma hansı statusda olacağımı bilmirəm".

Yaponiyanın "Vissel Kobe" klubunda çıxış edən Andres İnyesta İspaniya "Barselona"sına qayıtmaq istəyir.

İslamazeri.com "Report"-a istinadən xəbər verir ki, bu barədə 37 yaşlı yarımmüdafiəçi "El Mat de Catalunya"ya açıqlamasında bildirib.

İspaniyalı oyunçu gələcəkdə nə olacağını bilmədiyini söyləyib: "Bir gün "Barselona"ya qayıtmaq istərdim. Amma hansı statusda olacağımı bilmirəm. Başqalarına kömək etmək üçün evimə qayıtmaq istəyirəm. Nəyə hazır ola biləcəyimi anlayıram. Məşqçi lisenziyası almaq istərdim. Lakin gələcəkdə bu sahədə olub-olmayacağımı deyə bilmərəm".

Qeyd edək ki, Andres İnyesta 2002 - 2018-ci illərdə "Barselona"da çıxış edib.

GÜNÜN MANŞETLERİ