İmam Sadiq (ə) Universitetinidən Əl-Əzhərin İranı qınamasına REAKSİYA
İslamazeri.com xəbər verir ki, Misirdəki Əl-Əzhər Universitetinin İranın bölgədəki ABŞ hərbi bazalarına hücumunu pisləyən bəyanatına cavab olaraq, İmam Sadiq (ə) Universitetinin akademikləri dörd maddədən ibarət əhatəli bir bəyanat yayıb.
Əl-Əzhərin elmi mövqeyinə hörmətlə yanaşan akademiklər İranın hərəkətlərinin həm dini, həm də hüquqi cəhətdən qanuni olduğunu vurğulayıblar.
"Hər bir möminin həqiqəti müdafiə etməsi vacibdir" başlıqlı bəyanatda İranın heç vaxt İslam ölkələrinə və ya ərəb xalqlarına qarşı hərəkət etmədiyi bildirilib.
Mətndə hücumun ABŞ-ın İran xalqına, uşaqlara, hərbi ünsürlərə və maraqlara qarşı birbaşa hərbi müdaxiləsinə məhdud və qanuni bir cavab olduğu qeyd edilib.
Bundan əlavə, İmam Nəvəvi, İbn Teymiyyə və Şatibi kimi sünni alimlərinin fikirlərinə istinad edilərək, müsəlman torpaqlarını hücumdan qorumağın İmamın icazəsi tələb olunmadan dini bir vəzifə olduğu bildirilib.
Bəyanatın ikinci hissəsində "işğala qarşı müqavimət" və "İslam ölkələrinə hücumlar" arasında fərq qoyulub. Mətndə bildirilib ki, İraqdan Fələstinə qədər bölgədəki ABŞ hərbi bazaları işğal və müsəlman icmalarına qarşı hücumlar üçün infrastruktur təşkil edir.
Qəzali və İbn Qudama kimi alimlərin əsərlərində də rast gəlinən "dəf'u'l-adu əs-sail" (təcavüzkarı dəf etmək) kimi tanınan fiqhi prinsipə istinad edilərək, bu prinsipə əsasən, təcavüzkarı hətta hərbi yolla da dəf etməyin vacibliyi bildirilir. Bu kontekstdə İranın hərəkətlərinin işğala qarşı özünümüdafiə çərçivəsində nəzərdən keçirilməsinin vacibliyi qeyd edilib.
Üçüncü hissədə kollektiv müdafiə və sünni fiqhində ümmətin məsuliyyəti müzakirə olunurdu. İmam Mavərdi və İbn Aşurun fikirlərinə istinad edilən mətndə işğal və zülmə qarşı kollektiv müdafiə "yaxşılığı əmr etmək və pisliyi qadağan etmək" çərçivəsində nəzərdən keçirilir.
Bəyanatda İslam torpaqlarına edilən hücumlar qarşısında susmağın zülmə dolayı yolla qoşulmaq olduğu vurğulanıb.
Dördüncü və sonuncu hissədə akademiklər Əl-Əzhər Universitetini "fiqh əl-məqasid" (İslam fiqhi prinsipləri) və ədalətə əsaslanan akademik dialoqa dəvət edib. Onlar bəyanatların media mənbələrindən siyasi motivli qiymətləndirmələrə əsaslanmamalı olduğunu bildirib.
Mətndə qeyd olunub ki, özünümüdafiə hərəkətlərini pisləmək şəriət qanunlarının məqsədlərinə, yəni dinin, həyatın və İslam torpaqlarının qorunmasına məhəl qoymamaq deməkdir.
Bu kontekstdə İslam dünyasındakı intellektual dairələr arasında işğal, mülki şəxslərin ölümü və hərbi müdaxilələrlə bağlı hərtərəfli müzakirəyə başlamaq çağırışı edilib.
Bəyanatın yekun hissəsində İranın həmişə müsəlman xalqlarının və regional təhlükəsizliyin müdafiəçisi olduğu və heç vaxt təcavüzün təşəbbüskarı olmadığı təsdiqlənib. Misirdəki din alimlərinə Əl-Əzhər Universitetinin intellektual irsinə sadiq qalmağa və ədalət, İslam mətnləri və müsəlman icmasının həmrəyliyinə uyğun mövqe tutmağa çağırılıb.
