Fələstinin ticarət saytlarına kiberhücum təşkil edilib.
Bildirilir ki, son üç gün ərzində Fələstindəki bir çox ticarət qurum və təşkilatın saytları kiberhücumlara məruz qalıb.
İslamazeri.com Türkiyə mediasına istinadən xəbər verir ki, Fələstinin rabitə və informasiya texnologiyaları naziri İshaq Sedr qeyd edib ki, bunlar Fələstinin son illərdə məruz qaldığı ən böyük kiberhücumlardır. Ancaq problemin qısa müddətdə telekommunikasiya şirkəti ilə nazirliyimizin əməkdaşlığı ilə həll ediləcəyinə inamım tamdır.
Xatırladaq ki, İsrail internet saytları və böyük şirkətləri daha əvvəl dəfələrlə kiberhücumlara məruz qalsalar da, Fələstin ilk dəfə belə bir hücum ilə üz-üzə gəlib.
