İran İslam İnqilabının rəhbəri Ayətullah Seyid Əli Xamenei Sistan-Bəlucistan əyalətində tanınmış sünni din alimi Əbdühvahid Rigiyə qarşı sui-qəsdlə bağlı bəyanat verib.
İslamazeri.com xəbər verir ki, İran İnqilabının rəhbəri Sistan-Bəlucistan əyalətinin Xaş rayonunun tanınmış din alimi Mövləvi Əbdülvahid Rigini oğurlayaraq, qətlə yetirənlərin tez bir zamanda və ciddi şəkildə cəzalandırılmasını istəyib.
O həmçinin din aliminin ölümü ilə bağlı başsağlığı verib.
“Bu cinayəti törədən qaraüzlü, muzdur bədxahlardır ki, İran xalqlarının, xüsusilə də bəluç soydaşların xoşbəxtliyi və birliyinə düşmən kəsilənlərin xidmətində durublar. Məsuliyyət daşıyan qurumların vəzifəsi cinayətkarları təqib etmək, onları tez bir zamanda və ciddi şəkildə cəzalandırmaqdır”, deyə başsağlığı bəyanatında əlavə edilib.
