Ənsarullahdan ABŞ-a XƏBƏRDARLIQ.
İslamazeri.com xəbər verir ki, Ənsarullah hərəkatı ABŞ Müdafiə Nazirinin Yəmənlə bağlı açıqlamalarını rədd edərək, bu açıqlamaların həqiqəti əks etdirmədiyini bildirib.
Ənsarullah Siyasi Bürosunun üzvü Hizam əl-Əsəd ABŞ Müdafiə Nazirinin "Husilər İrana qarşı müharibədən kənardadırlar" açıqlamasına reaksiya verib.
Əl-Əsəd bu açıqlamanın "yalan" olduğunu vurğulayıb və Ənsarullahın ABŞ və İsrailin bölgə xalqlarına qarşı hücumları qarşısında neytral olmadığını bildirib.
Əl-Əsəd açıqlamasında Ənsarullahın İran və Livana hücumlara qarşı açıq bir mövqeyi olduğunu və hərəkatın bu mövqedən geri çəkilməyəcəyini qeyd edib.
Əl-Əsəd həmçinin Ənsarullahın "müqavimət oxu" ölkələri arasında "cəbhələrin birliyi" anlayışından heç vaxt əl çəkməyəcəyini vurğulayıb.
