İrandan ABŞ-a xəbərdarlıq: Sözlərimizi və təhdidlərimizi ciddiyə alın!
İslamazeri.com xəbər verir ki, İran İnqilab Keşikçiləri Korpusunun Kəşfiyyat Təşkilatı ABŞ-ın İranla bağlı qiymətləndirmələrinin qüsurlu olduğunu iddia edərək, Vaşinqtonun İranın təşəbbüslərini və imkanlarını ciddiyə almalı olduğunu vurğulayıb.
İran İnqilab Keşikçiləri Korpusunun Kəşfiyyat Təşkilatı sosial mediada yayımlanan açıqlamada ABŞ-ın İranla bağlı fərziyyələrini tənqid edib.
Orada bildirilib ki, İrana qarşı yönəldiyi iddia edilən müxtəlif hücumlar və təzyiq cəhdlərindən sonra Ağ Evin İrana qarşı "asan və sürətli əməliyyatlar" fərziyyələri etibarsız olub.
Bəyanatda həmçinin aşağıdakılar da yer alıb: "ABŞ kəşfiyyat orqanlarının gəldiyi nəticə budur ki, zaman Vaşinqtonun xeyrinə işləmir və bu çoxşaxəli çıxılmaz vəziyyətdən çıxmaq üçün İranın təşəbbüsləri və yaratdığı təhdidlər ciddiyə alınmalıdır."
