İranda ABŞ-a məxsus MQ-1 pilotsuz təyyarəsi vurulub.
İslamazeri.com xəbər verir ki, İran İnqilab Keşikçiləri Korpusu, İranın ərazi sularına daxil olduğu iddia edilən ABŞ hərbi MQ-1 pilotsuz təyyarəsini vurduğunu açıqlayıb.
İnqilab Keşikçiləri Korpusunun İctimaiyyətlə Əlaqələr Bölməsi tərəfindən yayımlanan açıqlamada ABŞ hərbi MQ-1 pilotsuz təyyarəsinin vurulduğu bildirilib.
Bəyanata görə, bazar günü səhər tezdən İranın ərazi hava məkanına daxil olan ABŞ pilotsuz təyyarəsi "düşmən əməliyyatı" həyata keçirməyi hədəfləyib. Pilotsuz təyyarə İnqilab Keşikçilərinin qabaqcıl hava hücumundan müdafiə sistemləri tərəfindən aşkar edilib, raketlə hədəfə alınıb və vurulub.
İnqilab Keşikçilərinin Hava Hücumundan Müdafiə Bölməsi həmçinin İranın ərazi sularının və hava məkanının tam nəzarət altında olduğunu vurğulayıb və ölkənin suverenliyinin hər hansı bir pozulmasına qəti cavab veriləcəyi barədə xəbərdarlıq edib.
