Gürcüstanın Saqareco şəhərində silahlı şəxsin atəş açması nəticəsində biri polis əməkdaşı olmaqla 5 nəfər həlak olub.
İslamazeri.com-un Türkiyə mediasına istinadla verdiyi xəbərə görə, Gürcüstanın Saqareco şəhərində 1974-cü il təvəllüdlü şəxs yaşayış binasındakı mənzillərdən birinin eyvanından insanlara atəş açıb. insident nəticəsində biri polis olmaqla 5 nəfər həlak olub, 5 də yaralı var.
Gürcüstan Daxili İşlər Nazirliyinin mətbuat xidmətindən yayılan açıqlamada isə bildirilib ki, polis hadisə yerinə gələndə silahlı şəxs onlara atəş açıb və nəticədə əməkdaşlardan biri həyatını itirib.
Ehtimal olunur ki, hücum edən şəxs Əfqanıstanda sülhməramlı missiyada iştirak etmiş keçmiş hərbçidir.
