Ağ Ev sözçüsü Trampın İrana qarşı müharibənin xərclərini Fars körfəzi ilə həmsərhəd olan ərəb hökumətlərinin ödəməsini planlaşdırdığını bildirib.
İslamazeri.com xəbər verir ki, Ağ Ev sözçüsü Karolin Livit bazar ertəsi gecəsi Tehran vaxtı ilə keçirilən mətbuat konfransında bildirib: “ABŞ ərəb ölkələrinin İrana qarşı əməliyyatların xərclərini öz üzərinə götürməsini hədəfləyir”.
Xəbər mənbələrinə görə, Livit ABŞ-ın ərəb ölkələrindən Vaşinqtonun İrana qarşı hərbi əməliyyatlarının xərclərini öz üzərinə götürməsini gözlədiyini bildirərək deyib: “Düşünürəm ki, Prezident (Tramp) onları bunu etməyə təşviq etməyə hazır olacaq”.
Ağ Ev sözçüsü sözünə davam edib: “Mən bu barədə ondan qabağa getmək istəmirəm, amma onun belə bir fikri olduğunu mütləq bilirəm”.
Livit ABŞ prezidentinin bu məsələ ilə bağlı daha sonra açıqlama verəcəyini bildirib.
Qeyd edək ki, Trampın Səudiyyə liderlərini hədəf alan təhqiramiz açıqlamalarından sonra, terrorçu ABŞ administrasiyasının bu açıq bəyanatı, günahsız İran xalqını hədəf almaq üçün İsrail və Amerika cinayətkarları ilə əməkdaşlıq etməyin nəticələrinin şahidi olan Fars körfəzi ilə həmsərhəd olan ərəb ölkələrinin liderləri üçün misli görünməmiş bir rüsvayçılıq, alçalma və utanc mənzərəsini ortaya qoyur.
